Aruba a rindi su ultimo tributo na su Tata di Cultura Padu Lampe

ORANJESTAD – Aruba a rindi su ultimo tributo na su Tata di Cultura, Juan Chayaba ‘Padu del Caribe’ Lampe diahuebs anochi. Y tabata riba e lugar mas oportuno, e plaza cu ta hiba su nomber Plaza Padu!. For di 6’or comunidad di Aruba tabata invita pa dispidi di Padu, mientras cu como 100 artista tabata presenta riba e tarima special pa e occasion aki. Tur esaki tabata rond di e busto di e trio cu ta inclui   Padu Lampe,  Lio Booi y Rufo Wever, cual busto a keda inaugural na 2017.Pa tur artista, tabata un honor di presenta e anochi aki, sea den forma di canta, baila of otro forma di expression. Notable tabata presencia di varios musico di otro islanan manera Norman Moron, y tambe otro personahenan conoci. E anochi a progresa y a dura te 10’or di anochi. Diabierna atardi na kerki protestant, ta tuma lugar e sirbishi y entiero di Padu, pa despues sigui pa Santana Protestant na Playa.