- Alerta di temblor fuerte na Venezuela causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- ANALISIS: Chadwick Tromp no ta un “hungador cu ta faya”, pero un specialista cu MLB ta sigui busca
- Alerta di temblor fuerte na Venezuela causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- ANALISIS: Chadwick Tromp no ta un “hungador cu ta faya”, pero un specialista cu MLB ta sigui busca
Joitza Henriquez, Miss Mundo Aruba a sali pa Londres
ORANJESTAD - Joitza Henriquez, Miss Mundo Aruba a sali pa Londres.Tabata durante di e anochi final di Miss Aruba 2014, cu Joitza a ser corona pa representa nos isla na e certamen di Miss Mundo 2014. Despues di dos luna di preparacion, Joitza ta cla pa enfrenta e retonan su dilanti. Joitza a ricibi diferente cooperacion pa un optimal representacion den e diferente etapanan di Miss Mundo.
Joitza lo hiba presenta piezanan spectacular pa su vestuario durante su estadia y pa e anochi final Joitza lo luci un trahe eskisito diseña pa Ronchi de Cuba. Joitza su pasarela a ser coordina cu e ultimo tokenan internacional dor di Ronchi de Cuba.. Durante e anochi di Bailenan di Mundo, Joitza ta trece un parti di nos cultura dilanti cu un presentacion riba musica di e popular productor Micheal Lampe ,“Prikichi” bow coreografia di PiereAngeli Wever . E trahe a ser diseña pa Micheal Douglas y a ser elabora completo pa e duo Gareth Tromp y Astro Werleman.
Joitza lo presenta su talento cu un poema di su propio inspiracon. Esaki lo ser treci dilanti den un forma expresivo riba musica di e gran talento international Karixon.
No por keda sin menciona e trabow inmenso cu la hasi pa su projecto di “Beyesa cu un Proposito”. Esaki lo ser ilustra na e organisacon dor un video traha pa Authentic Solutions and Production di Julisa Margarita.
Mester menciona cu Joitza tin tur potencial pa resalta meimei di e 125 participantenan . Un danki na Ronchi de Cuba, Patsy Mansur y Richelle Beauty Vision Aruba pa nan aporte na Joitza Henriquez.
Awe riba e vuelo di American Airlines, Joitza Henriquez a sali rumbo pa Londres pa asina cuminsa su soño pa trece triunfo pa su isla.
Un danki special na Aruba Tourism Authoority y Ministerio di Turismo pa nan aporte pa realisa otro gran promocion pa nos isla na nivel mundial. Miss Mundo tin un audiencia di mas cu 2 biyon hende y no por keda sin menciona e cobertura riba social media pa cu e evento aki durante e luna di November y December. Eleccion final lo ta diadomingo 14 di December 2014.