E meta di AHATA tabata pa hala atencion di ATA y trece cambio

E meta di AHATA tabata pa hala atencion di ATA y trece cambio

Posted on 06/23/2016 11:26 pm AST | Updated on 06/24/2016 6:57 am AST

ORANJESTAD - E zet di AHATA pa retira 'en bloc' for di e hunta di supervision di ATA no tabata un acto isola, ni un acto di cada miembro individual. Fuentenan cerca di e proceso a papia a base di anonimidad, debi na regla di confidencialidad. A compronde cu e loke a sosode diaranson tabata un acto delibera pa mustra ATA e malcontento cu AHATA tin pa cu e maneho ultimo tempo den ATA. Y den e caso aki, enberdad e asunto di All Inclusive lo tabata e ultimo gota. 

DESICION DURANTE REUNION

A compronde cu tabata durante un reunion diaranson merdia cu AHATA su miembronan, a tuma e desicion y a acorda eynan cu e 3 miembronan di e hunta di supervision lo a entrega nan retiro 'en bloc', causando un situacion cu lo a hala e atencion suficientemente di ATA y pa asina mustra cu e situacion actual no por a continua. Mientras cu en berdad e operacion di ATA por continua temporalmente, ta conoci cu e situacion ta di tal constelacion cu e operacion den ATA no por continua asina pa largo. Y esey AHATA aparentemente ta bon na altura di dje.

DESICIONAN SIN CONSULTA 

Segun e fuentenan a sigui mustra, algun di e problemanan ta e forma con den ATA tin desicionan ta tumando lugar sin cu AHATA su miembronan di supervision lo tin influencia ariba of ta wordo consulta ariba. Desicionan financiero cu lo a tuma lugar, cu AHATA no ta di acuerdo cu ne. Sumanan di placa cu ta wordo aproba, solamente cu aprobacion di e miembronan di gobierno y e presidente, lagando e miembronan di AHATA afo, y cu a wordo cuestiona. 

FALTA DI RESPET PA MINISTER 

E falta di respet ultimo tempo pa cu AHATA di e mandatario di turismo, tambe AHATA lo tin problema cu ne, unda cu ta mustra cu tin un tipo di powerplay politico tumando lugar, mientras cu AHATA ta purbando di mustra cu e situacion actual no ta bayendo den bon direccion. Como tal, a mustra cu no a keda AHATA nada otro di bin cu un accion asina pa haya atencion serio di ATA y purba asina di mustra cu cos no por a sigui manera cu e tabata. Pues si tabatin cualkier duda cu e tabata un acto independiente, esey no ta e caso. 

NO KIER PERHUDICA TURISMO

NoticiaCla.com a compronde cu e intencion di AHATA no ta pa pa perhudica turismo di Aruba, sino mas bien trece cambio den e forma cu ATA ta wordo maneha y cu nan por tin un 'voz' manera cu e structura a wordo formula 5 aña pasa. Ta conoci cu AHATA a bay di acuerdo cu e structura di un ATA S.G, y cu fondonan di AHATA por bay pa ATA contal cu AHATA haya asiento den e hunta pa asina nan tambe por tin algo di bisa di e fondonan cu AHATA ta contribui cu ne. 

  • Bucuti & Tara Beach Resort prome hotel pa gana United Nations 2020 Climate Neutral Now Award

    Bucuti & Tara Beach Resort prome hotel pa gana United Nations 2020 Climate Neutral Now Award

    ORANJESTAD -  Bucuti & Tara Beach Resort, e hotel di mas eco-certifica den Caribe ta creando un standard mundial como e prome hotel na mundo pa gana e prestigioso Global United Nations 2020 Climate Action Award for Climate Neutral Now . United Nations a haci e anuncio 9 a.m. CET via UNFCCC secretariat (UN Climate Change)  na Bonn, Alemania.

  • Tin control extra pa regla di COVID19 durante weekend di Halloween na Aruba

    Tin control extra pa regla di COVID19 durante weekend di Halloween na Aruba

    ORANJESTAD – “E reglanan lo no wordo suaviza pa e fin di siman aki” prome minister Evelyn Wever Croes a bisa dialuna anochi durante e briefing di COVID19. E ta referi na reglanan di COVID19, cu tin vigente aworaki. E fin di siman aki ta e fin di siman di e celebracion Mericano Halloween, unda cu establecimentonan nocturno normalmente tin celebracion grandi pa e tema. Pero mirando cu tin COVID19 y reglanan estricto, esaki lo por tin su consecuencianan.

  • Aruba ta habri frontera atrobe cu e.o. Colombia na December awor

    Aruba ta habri frontera atrobe cu e.o. Colombia na December awor

    ORANJESTAD – Aruba ta habri frontera bek pa paisnan Latino Americano manera Colombia entrante 1 di December proximo. Asina CEO di ATA Ronella Tjin Asjoe a anuncia dialuna anochi. Fuera di Colombia, tin Mexico, Republica Dominicano, y Haiti. Venezuela si ta keda cera ainda. Cu e re-apertura aki, ta spera un total di entre 2000 pa 2500 bishitante extra. 

  • DVG: Apenas 2 persona a test positivo pa COVID19 dialuna

    DVG: Apenas 2 persona a test positivo pa COVID19 dialuna

    ORANJESTAD - Segun resumen di awe 13 persona mas a recupera, tin un total di 2 caso nobo di Covid-19, di cual tur ta residente, ("positivity rate" bou residente ta 13%). E total di casonan activo awe ta 164, total di testnan haci ta 200, testnan haci bou di residentenan na laboratorio di hospital ta 15. E total di casonan di fayecimento relaciona cu Covid-19 ta 36.

  • Encuesta riba maneho di crisis y futuro eleccion pa Parlamento di Aruba

    Encuesta riba maneho di crisis y futuro eleccion pa Parlamento di Aruba

    ORANJESTAD - Kico abo ta pensa tocante con gabinete Wever Croes ta manehando e diferente crisisnan cu ta pasando na Aruba? Ademas, kico/con bo lo haci/vota, si a caso awe lo tabatin un eleccion pa Parlamento di Aruba, en bes di aki un aña.  Laga nos sa kico bo ta pensa via e siguiente encuesta di noticiacla.com. Manera semper, e encuesta ta anonimo y lo ta pa uso netamente periodistico. Pa participa, click AKI. 

  • Conoci personalidad Glenda Arends a biaha cu urgencia pa Hulanda pa salud

    Conoci personalidad Glenda Arends a biaha cu urgencia pa Hulanda pa salud

    ORANJESTAD – Conocido personalidad na Aruba Glenda Arends, mester a biaha urgentemente pa Hulanda diadomingo pa su salud. Debi na multiples peticion, famia a dicidi di haci un publicacion pa asina por complace e cantidad grandi di peticion pa cu su situacion. 

  • Powered by SETAR