Aruba Fashion Week ta celebra su di 10 aniversario cu “Winds of Fashion” na Tierra del Sol Aruba

(ADVERTORIAL)

ORANJESTAD— Aruba Fashion Week ta anuncia su edicion 2026, “Winds of Fashion”, cu lo tuma lugar di 19 pa 22 di november na Tierra del Sol Aruba, mientras e plataforma ta celebra 10 aña desde su fundacion na 2016.

Durante e ultimo decada, Aruba Fashion Week a evoluciona den un plataforma internacional cu ta conecta moda, turismo y comercio, contribuyendo na posicionamento di Aruba como un destinacion premium den Caribe pa moda, luho, lifestyle y bienestar.

Pa medio di campañanan global, giranan internacional di prensa y participacion di periodista influyente, creadornan di contenido y lidernan di industria, Aruba Fashion Week ta promove no solamente e destinacion, sino tambe e marcanan, patrocinadornan y socionan strategico asocia cu e plataforma, generando visibilidad na Aruba y den mercadonan internacional. 

Mas cu promocion di destinacion, Aruba Fashion Week a bira un porta comercial pa diseñadornan y marcanan cu ta busca drenta y expande den e mercado premium di Aruba. Pa medio di su programa di pasarela, showroom y benta mayorista, e plataforma ta conecta marcanan participante cu cumprado, comerciante, consumidor y oportunidadnan nobo di negoshi.

 Sosten y internacionalisacion di talento creativo Arubiano tambe ta central den e vision di Aruba Fashion Week desde su fundacion. Diseñadornan, entre otro, Ronchi de Cuba, Maison Ryon, Andrew Steba, Javan Croes, Gigliola Arendsz, María Teresa Madariaga y Quiana Cronie a forma parti di e trayectoria aki. Mas recientemente, Cronie a presenta na New York Fashion Week na 2025 mediante e plataforma di Aruba Fashion Week, hibando e DNA creativo di Aruba pa un escenario internacional.

 Pa celebracion di su di 10 aniversario, Tierra del Sol Aruba lo bira e hogar di experiencia di Aruba Fashion Week 2026. Un di e destinacionnan di golf y lifestyle mas exclusivo di Aruba lo ofrece e escenario pa cuater dia caminda moda internacional ta topa e beyesa natural di nos isla y su estilo di bida Caribeño distintivo.

E experiencia ta cuminsa diabierna 19 di november cu e celebracion oficial di apertura, sigui pa dos dia di desfile di moda, un fashion showroom di tres dia, Fashion Talks, networking y experiencianan di lifestyle. E programa ta culmina diadomingo 22 di november cu un dia dedica na bienestar y estilo di bida Arubiano.

JOIA Aruba by Iberostar, Official Accommodation Host di Aruba Fashion Week 2026, lo duna e invitadonan internacional un caluroso bonbini.

 Aruba Fashion Week ta posibel danki na e valioso cooperacion di su patrocinadornan y aliadonan strategico, incluyendo Aruba Tourism Authority, Tierra del Sol Aruba, JOIA Aruba by Iberostar, UNOCA, Departamento di Cultura Aruba, Pepe Margo Distillery y Crest.

Mientras Aruba Fashion Week ta drenta su siguiente decada, su mision ta continua: promove Aruba mundialmente, eleva su talento creativo y conecta diseñadornan, marcanan y socionan internacional cu un di e mercadonan premium mas distintivo den Caribe.

 ARUBA FASHION WEEK 2026 — WINDS OF FASHION

Celebracion di di 10 aniversario | 19–22 di november 2026

Tierra del Sol Aruba