Video viral di flamingonan atacando un parha inflabel na Aruba

Video viral di flamingonan atacando un parha inflabel na Aruba

Posted on 11/18/2026, 10:04 AM AST | Updated on 11/18/2026, 10:09 AM AST

ORANJESTAD — Un video cu ta circula riba social media ta mustra dos flamingo atacando un parha inflabel den forma di un zwemband na Flamingo Beach, riba Renaissance Island na Aruba.

Den e video di menos di 40 seconde, por mira con e dos flamingonan ta bay contra e parha artificial. E imagenan a hala atencion riba internet.

E flamingonan a ser treci na e isla priva y ta biba permanentemente den e area. Nan ta custumbra cu presencia di hende y ta relativamente manso, permitiendo bishitantenan observa nan di cerca riba beach.