ORANJESTAD — Organo Ehecutivo AZV (OE AZV) a anuncia cu su contracto cu dentista Cecile Provence ta finalisa dia 30 di november 2026. Esaki ta nifica cu entrante 1 di december, tratamentonan y citanan cerca e dentista aki no lo wordo cubri mas pa AZV.
Aseguradonan registra cerca Provence tin te dia 30 di november pa scoge un otro dentista di nan preferencia. E cambio por wordo haci via website AZV of e aplicacion movil di AZV.
Pa esnan cu no haci un escogencia, AZV lo percura pa un traspaso automatico entrante 1 di december pa diferente dentista ubica na Oranjestad y vecindario. E aseguradonan no mester haci nada pa e proceso aki.
Despues di e traspaso, clientenan por consulta e AZV-app pa verifica cerca cua dentista nan a wordo registra. Si nan no ta di acuerdo cu e asignacion, nan por solicita cambio pa un otro dentista disponibel.
AZV a gradici Cecile Provence pa su añanan di servicio na aseguradonan y a dese'e exito cu continuacion di su practica priva.
Pa mas informacion, aseguradonan por yama 527-9900 of manda un email na klantenservice@uoazv.aw.