ELMAR ta reinaugura su oficina renoba na San Nicolas

ELMAR ta reinaugura su oficina renoba na San Nicolas

Posted on 11/17/2026, 6:55 AM AST | Updated on 11/17/2026, 6:55 AM AST

SAN NICOLAS — Minister di Energia, Arthur Dowers, hunto cu CEO di ELMAR, Edward Oduber, a reinaugura oficialmente e oficina renoba di ELMAR na San Nicolas durante un ceremonia diabierna anochi.

E edificio a pasa door di un renobacion completo, cu e meta di ofrece clientenan di San Nicolas y vecindario un servicio mas moderno, comodo y accesibel.

Durante e ceremonia, Minister Dowers a corta e cinta simbolico y a ricibi un recorrido den e edificio pa conoce e diferente mehoracionnan implementa.

Cu e reinauguracion, habitantenan di San Nicolas y distritonan cercano por bolbe haci uzo di e servicionan di ELMAR den nan propio region, sin necesidad di biaha pa e oficinanan na Oranjestad of Hato.

E ocasion a marca tambe inicio di celebracionnan di Pasco di ELMAR, cu iluminacion festivo di henter e edificio.

Minister Dowers a expresa su aprecio pa e inversion, destacando importancia di mantene servicio di calidad accesibel pa comunidad di San Nicolas.