Hulanda ta mantene secrecia riba rechazo di avion di Machado na Aruba y Corsou

DEN HAAG — Gobierno Hulandes ta dispuesto pa informa Parlamento, pero solamente den un reunion confidencial, tocante e decision pa nenga un avion cu lider di oposicion Venezolano María Corina Machado permiso pa baha na Aruba y Corsou.

Den un carta di 30 october 2026, Minister di Asuntonan Exterior Tom Berendsen a ofrece un reunion tecnico cu parlamentarionan, sin acceso pa publico, pa splica e situacion.

E controversia a cuminsa na september, ora autoridad di aviacion di Corsou (CCAA) a confirma cu permiso pa baha un avion cu Machado a wordo nega riba peticion di autoridadnan superior. Tambe na Aruba e intento pa haya permiso no a logra.

Te ainda no ta conoci ken exactamente a duna e instruccion, ni si e decision a bin di Aruba, Corsou of Hulanda.

Parlamentario Kati Piri a exigi claridad, mientras cu e decision di mantene e informacion confidencial ta laga publico sin contesta riba e responsabilidad di cada pais den Reino Hulandes.