Rey Willem-Alexander y Reina Máxima cu bishita di estado na Qatar

DEN HAAG — Rey Willem-Alexander y Reina Máxima lo haci un bishita di estado na Qatar di 9 te 11 december 2026. Esaki lo ta nan prome bishita oficial di estado na Medio Oriente desde cu Willem-Alexander a bira rey, y e prome bishita di estado Hulandes na e region den 14 aña.

E bishita ta tuma lugar riba invitacion di emir di Qatar, sjeik Tamim bin Hamad Al Thani, y tin como meta fortalece relacion diplomatico, economico y di seguridad entre ambos pais.

E pareha real lo wordo acompaña pa varios minister Hulandes, incluyendo minister di Asuntonan Exterior Tom Berendsen y minister di Defensa Dilan Yeşilgöz.

E ultimo bishita di estado Hulandes na Medio Oriente tabata na 2012, tempo cu Reina Beatrix a bishita Emiratonan Arabe Uni y Oman.