Dos persona deteni y droga confisca na Papilon

ORANJESTAD — Unit Narcotica a detene dos persona y confisca un cantidad considerable di marihuana y hasj durante un entrada hudicial na un percela na Papilon diamars, 3 di november 2026.

E accion tabata relaciona cu un investigacion tocante importacion di droga, incluyendo hasj y XTC, y posesion di arma di candela.

E personanan deteni ta un homber di 28 aña, naci na Colombia, cu inicialnan L.J.V.P., y un muher di 38 aña, naci na Surinam, cu inicialnan R.W.S.H.

Durante e registro a confisca marihuana y hasj. KPA no a especifica e cantidad exacto y no a reporta cu a haya XTC of arma di candela durante e accion.

Unit Narcotica a haya apoyo di diferente departamento di KPA, entre nan Team di Arresto y K9-Unit.

Polis ta pidi cualquier persona cu informacion tocante e caso pa yama e tiplijn 11141. Informacion por wordo duna anonimamente.