Bob Harms ta presenta su buki Echoes of Africa na Aruba cu gran asistencia

ORANJESTAD — Escritor y investigador historico Bob Harms a presenta su buki Echoes of Africa: Afro-Creole Belief Systems of Curaçao, Bonaire and Aruba dia 30 di october na Archivo Nacional Aruba, cu presencia di un cantidad grandi di invitado.

E obra ta explora creencianan y tradicionnan spiritual Afro-Crioyo na Aruba, Corsou y Boneiro, y con herencia Africano a desaroya durante generacionnan bao influencia di cultura Indigena y Europeo.

Durante e presentacion, a tene un discusion profundo tocante transculturacion y tradicionnan Arubiano manera Ocho Dia, Jucan y Curanderia, cu ta forma parti di nos patrimonio cultural.

Publicacion di e buki a bira posibel danki na financiamento di Herdenkingscomité Slavernijverleden y Universidad di Aruba.

Credito di potret: Lelicia Tromp.