Hulanda ta postula Klaas Knot pa presidencia di Banco Central Europeo

DEN HAAG — Gobierno Hulandes a postula Klaas Knot como candidato pa bira proximo presidente di Banco Central Europeo (ECB), despues cu actual presidenta Christine Lagarde a anuncia cu lo laga su funcion dia 7 di februari 2027, prome cu final di su mandato.

Knot, kende tabata presidente di De Nederlandsche Bank (DNB) di 2011 te 2025, ta conta cu 14 aña di experiencia na cabes di banco central Hulandes. Ministerio di Finansa ta considera como un candidato adecuado pa sigui Lagarde.

Paisnan di zona euro tin te diabierna 6 di november pa presenta nan candidatonan. Dialuna 9 di november, ministernan di Finansa Europeo lo evalua e postulacionnan, mientras cu un decision final ta wordo spera pa december.

Pa haya e presidencia, un candidato mester respaldo di por lo menos 16 di e 21 paisnan di zona euro, representando minimo 65% di su poblacion.