Banco di Caribe Aruba ta bira AIB Commercial Bank NV

(ADVERTORIAL)

ORANJESTAD — Banco di Caribe Aruba N.V. a cambia  su nomber oficialmente pa AIB Commercial Bank N.V., operando bou di e nomber AIB BANK, entrante 2 di november 2026. E cambio ta sigui despues cu AIB BANK N.V. a adquiri e accionnan di e banco riba 23 di december 2024 y a obtene e aprobacionnan necesario di e regulador y adapta e statutonan. Dialuna den curso di dia, por a mira cu a baha e number Banco di Caribe NV di e edificio. 

Cu esaki, e periodo di transicion pa uso di e nomber y logo di Banco di Caribe a termina. E cambio di identidad lo bira visibel inmediatamente, mientras den e dianan benidero tambe lo adapta e terminalnan di pago y ATM-nan.

E tarhetanan di debito y credito, e aplicacion movil y e servicio di banca online lo sigui opera temporalmente cu e marca Banco di Caribe. Esaki lo continua te ora AIB lansa su plataforma bancario central nobo na 2027. Te e momento ey, Banco di Caribe N.V. na Corsou lo sigui brinda servicio di tecnologia di informacion y procesamento di pago.

Director general y CEO di AIB BANK N.V., Frendsel Giel, a gradici Banco di Caribe pa permiti uso di su marca durante e transicion. El a expresa satisfaccion cu e marca AIB awor ta amplia cu un banco comercial.

Segun Giel, e vision ta pa desaroya un banco comercial fuerte, enfoca riba cliente y prepara pa futuro, cu ta contribui na desaroyo economico, sostene negoshinan y crea oportunidadnan. E banco ta comprometi na inverti den su personal, tecnologia, productonan y servicionan, manteniendo normanan halto di maneho di riesgo, gobernacion y cumplimento cu regulacion.

AIB Commercial Bank lo sigui ofrece productonan y servicionan financiero na particularnan, negoshinan y clientenan institucional. E banco kier fortalece su presencia den mercado, amplia su capacidad y impulsa transformacion digital y crecemento sostenibel.

Den un siguiente comunicado, AIB lo duna mas informacion tocante su marca y logo, y e progreso di su plataforma bancario nobo.