Polis di Noord a duna 95 boet y detene dos persona diasabra

ORANJESTAD — Polis di Noord a duna 95 boet y detene dos persona durante controlnan di trafico diasabra anochi, 31 di october. Na diferente punto strategico den e distrito, a controla mas cu 245 auto.

E boetnan tabata relaciona, entre otro, cu rijbewijs, keuringskaart, seguro, uso di celular y impuesto di vehiculo. E dos detencionnan tabata pa posecion di marihuana. Polis a confisca droga y tambe un brommer cu no tabatin su documentonan na ordo.

Polis uniforma, Unidad Motorisa, K-9 y Flex-team a participa den e accion, cu a inclui e area hotelero conoci como “hot zone”. CEA, KMAR y DTP tambe a brinda cooperacion.

KPA ta informa cu e controlnan lo continua y ta recorda chauffeurnan pa tene nan documentonan na ordo, carga un rijbewijs valido y respeta reglanan di trafico.