Aruba ta avansa cu proyectonan pa pasado di sclavitud

ORANJESTAD — Aruba ta participa den proyectonan pa reconoce y conmemora e pasado di sclavitud y investiga su efectonan actual. Den un carta manda pa Tweede Kamer dia 12 di oktober, minister hulandes Pieter Heerma ta informa cu e agendanan di accion di e seis islanan Caribense a haya financiamento y lo sigui wordo ehecuta te cu e tercer trimestre di 2029.

Pa Aruba, e carta ta menciona cu empleadonan di Archivo Nacional lo completa un formacion den archivistica e aña aki. Aruba, Corsou y Sint Maarten tambe ta colabora den un programa academico pa investiga e efectonan social, cultural, educativo y entre generacionnan di sclavitud. E programa ta sigui te cu final di 2027.

Ademas, Aruba a propone pa prome biaha un miembro pa e comité di conmemoracion di e pasado di sclavitud. E carta no ta indica cu e nombramento a wordo finalisa.

E rondanan restante pa solicita subsidio pa iniciativanan comunitario ta sigui te cu 2028. Tambe ta wordo investiga e posibilidad pa haci 1 di juli, Keti Koti, un dia di fiesta nacional den Reino. E resultadonan y e reaccion di gobierno ta spera den 2027; ainda no tin un decision pa introduci e dia di fiesta.