Hefe di polis di Aruba Arnhem ta alarma tras 13 morto den trafico

ORANJESTAD — Altocomisario Ramon Arnhem ta expresa gran preocupacion pa e cantidad di accidente na Aruba, cu a causa 13 morto den trafico na 2026. “Cada un victima ta un di mas, esaki mester stop,” el a declara den un comunicado di Cuerpo Policial Aruba.

KPA ta pidi automobilistanan pa pone celular un banda, respeta velocidad maximo y no maneha bao influencia di alcohol of otro substancia. E ta apela tambe pa pasa yabi na un otro persona si ta necesario, maneha cu rijbewijs valido y tene consideracion cu adultonan mayor.

Polis lo continua cu controlnan intensivo. Infraccionnan por resulta den boet y, dependiendo di e caso, detencion. Arnhem ta enfatisa cu un solo descuido por cambia varios bida y cu seguridad den trafico ta responsabilidad di tur hende.