Opinion: Mas responsabilidad pa Reino, mas voz pa Caribe

ORANJESTAD — Hulanda ta interveni den finansa y bon gobernacion di e paisnan Caribense, pero ta haci demasiado poco pa enseñansa, salud y calidad di bida. Esaki ta e critica di Wouter Veenendaal, profesor especial di Relacionnan den Reino na Universidad di Leiden, y Oberon Nauta, investigador senior y socio di DSP-Groep, den un articulo di opinion publica den de Volkskrant dia 10 di oktober 2026.

Diezseis aña despues cu Corsou y Sint Maarten a bira pais autonomo, e autornan ta sostene cu e escala chikito di e paisnan Caribense ta limita nan capacidad pa cumpli cu tur tarea di un pais. Segun nan, esaki ta contribui na desigualdad creciente entre hulandesnan den Caribe y Europa.

Nan ta critica cu tanto Hulanda como e gobiernonan local ta uza autonomia pa evita responsabilidad, mientras intervencion di Hulanda ta sosode principalmente bao condicionnan determina na Den Haag.

Veenendaal y Nauta ta propone pa Reino asumi structuralmente tareanan cu e paisnan no por carga nan so. Pero esaki mester bai hunto cu mas influencia Caribense den gobierno di Reino y representacion parlamentario. Nan mensaje: mas responsabilidad pa Reino mester significa tambe mas voz pa e islanan.