Costo di bida di famia a subi cu Afl. 144; cuminda ta responsable pa Afl. 86 di e aumento

ORANJESTAD — Un famia consistiendo di dos adulto y dos mucha mester awor aproximadamente Afl. 5,663 pa luna pa cubri e nivel minimo di costo di bida na Aruba. Esaki ta Afl. 144 mas cu un aña pasa, segun CBS.      

E mayor parti di e aumento ta bin for di cuminda y bebida no alcoholico, cu a agrega Afl. 86 na presupuesto mensual di e famia. Transporte a subi cu Afl. 35, mientras restante bienes y servicio a agrega Afl. 14 y vivienda Afl. 10.      

Na augustus 2025, e bestaansminimum pa un famia di cuatro tabata Afl. 5,519. Un aña despues, e suma a yega Afl. 5,663.      

CBS ta defini bestaansminimum como e nivel minimo di entrada cu ta considera necesario pa un persona of famia por funciona den sociedad di un manera adecuado y socialmente aceptabel. E calculo ta wordo actualisa mensualmente segun cambionan den prijs di cuminda, vivienda, transporte y otro necesidadnan basico.      

E cifranan ta mustra cu particularmente cuminda y transporte ta sigui pone mas presion riba presupuesto mensual di famianan na Aruba.