CBS: Gasolin 27.1% y diesel 39.9% mas caro cu un aña pasa

ORANJESTAD — Automobilistanan na Aruba ta sinti un aumento fuerte den costo di combustible. Segun cifranan di CBS pa augustus 2026, prijs di gasolin tabata 27.1% mas halto cu un aña pasa, mientras diesel a registra un aumento anual di 39.9

Den solamente un luna, gasolin a subi cu 25.1 cent pa liter, of 9.4%, mientras diesel a aumenta cu 29.7 cent, of 11.6%. E dos aumentonan a contribui directamente na e subida di inflacion durante augustus.     

Na augustus, prijs promedio di gasolin a yega Afl. 2.909 pa liter, compara cu Afl. 2.658 na juli. Diesel a subi di Afl. 2.566 pa Afl. 2.863 pa liter.     

CBS ta relaciona e movecion principalmente cu prijs internacional di petroleo. E prijs promedio di un bari West Texas Intermediate a subi 5.6% entre juli y augustus, di US$79.32 pa US$83.74.     

Combustible a bira asina un di e motornan principal tras di e aumento di costo di transporte y inflacion general na Aruba.