Volkswagen y Audi ta yama 2.8 miyon auto bek mundialmente pa reparacion preventivo

BERLIN - Volkswagen ta yama aproximadamente 2.8 miyon Volkswagen y Audi bek mundialmente como medida preventivo, pa motibo di un posibel problema cu un bout den sistema di direccion. E defecto por causa cu asistencia di stuur por falla.

Segun autoridad Aleman KBA, e problema por wordo soluciona door di cambia e bout pa un modelo cu ta menos sensibel pa corrosion.

Na Volkswagen, e recall ta inclui Tiguan, Touran, Golf Variant, Caddy y Golf produci entre september 2013 y juli 2024. Ta trata di aproximadamente 2.16 miyon vehiculo mundialmente.

Na Audi, aproximadamente 700,000 Q3 produci entre october 2017 y mei 2024 ta inclui den e recall.

Volkswagen ta calcula cu probablemente menos cu 1% di e autonan afecta realmente tin daño na e bout. Te awor no tin accidente of incidente conoci relaciona cu e defecto. Doñonan di autonan afecta lo wordo informa y e reparacion lo ta gratis.