Di 10 morto den trafico: Dama di 23 aña ta perde bida den accidente cu UTV

SAN NICOLAS — Un accidente grave cu un UTV na Grapefield, San Nicolas, a cobra bida di un hende muher di 23 aña Diadomingo atardi, convirtiendo e victima den e di 10 morto den trafico na Aruba pa aña 2026.

Pa mas o menos 2:58 di atardi, Alarm Central a alerta Central di Polis tocante un accidente riba caminda di Grapefield. Segun e prome informacionnan, un UTV a bolter y e chauffeur tabata den condicion grave.

Polis y ambulance a wordo despacha inmediatamente na e sitio. Personal di ambulance a brinda asistencia medico na e victima, pero lamentablemente no por a salba su bida.

Docter Forensico a constata morto di Kimberly van Ardenne, naci na Hulanda dia 1 di november 2002, cu edad di 23 aña.

Polis Forensico, specialistanan di trafico y Slachtofferhulp tambe a presenta na e sitio pa asistencia y investigacion.

Cu e accidente aki, e cantidad di morto den trafico na Aruba durante 2026 a subi na 10.

Cuerpo Policial Aruba a expresa su condolencia na famia y sernan keri di e fayecido.