Wingo ta conecta Aruba cu cinco ciudad Colombiano y apunta pa 150 mil pasahero

ORANJESTAD — Conectividad aereo entre Aruba y Colombia a sigui crece durante 2026. Wingo actualmente ta conecta Aruba directamente cu cinco ciudad Colombiano: Bogotá, Medellín, Cali, Bucaramanga y Barranquilla.

Hunto cu Aruba Tourism Authority, e aerolinea ta proyecta transporta aproximadamente 150.000 pasahero entre ambos mercado durante 2026. Entre januari y juli, Wingo ya a transporta alrededor di 73.000 pasahero riba e rutanan aki.

Segun Wingo, 84% di e pasaheronan ta biaha pa vacacion. Alrededor di 70% ta Colombiano, mientras e otro 30% ta ciudadano Arubano y Hulandes. E trafico ta funciona den dos direccion, cu mas residente di Aruba ta biaha pa Colombia pa turismo, compras, salud, bienestar y negocio.

Wingo a cuminsa opera entre Bogotá y Aruba na december 2016. Medellín a sigui na 2022, Cali na 2023 y durante 2026 Bucaramanga y Barranquilla a wordo agrega na e red.

ATA ta considera mercado Colombiano estrategico pa turismo di Aruba y ta destaca cu mas conectividad ta ofrece oportunidad pa atrae bishitante no solamente pa playa, sino tambe pa cultura, gastronomia, naturaleza y bienestar.