Zr.Ms. Pelikaan ta transporta 220.000 liter di awa pa Venezuela

WILLEMSTAD — Zr.Ms. Pelikaan a sali for di Corsou rumbo pa La Guaira na Venezuela cu mas cu 220.000 liter di awa potabel pa area afecta pa e temblornan devastador di fin di juni.

E mision a wordo realisa riba peticion di autoridadnan Venezolano. E bapor ta transporta 70.000 liter di awa den su tankinan y adicionalmente 150 pallet di boter di awa, equivalente na 150.000 liter.

Defensa Region Caribe ya a brinda asistencia anteriormente despues di e temblornan, incluyendo awa, cuminda y material medico.

Segun Defensa, asistencia di emergencia ta un di su tareanan principal den Caribe, tanto pa paisnan den Reino Hulandes como, ora ta necesario, pa otro paisnan den region.