Mas di 300 hoben na Boneiru a siña reconoce explotacion criminal

KRALENDIJK – Mas di 300 hoben na Boneiru a participa na For di Gara 2.0, un workshop enfoca riba influencia y exploitacion criminal entre hobennan.

Durante e actividad, participantenan a siña con exploitacion criminal por cuminsa poco poco, por ehempel cu recompensa, atencion extra, presion di grupo, secreto of presion pa tuma decision rapido.

Tres experto cu experiencia propio a comparti nan historia y a papia cu e hobennan tocante influencia di amigunan, escoho robes y consecuencia pa scol, trabou y futuro.

Un mensahe central tabata pa hoben para y pensa ora algu no ta sinti corecto. Si un persona ta ofrece algo, pidi tene secreto of ta pone presion, e pregunta mester ta: “Esaki ta corecto?”

For di Gara 2.0 ta parti di un programa anual pa preveni y reconoce trafico y explotacion di hende den Hulanda Caribense.