AAA ta celebra prensa local cu Musical Bingo y voucher di biahe

ORANJESTAD – Aruba Airport Authority (AAA) a organisa un anochi agradabel y yen di ambiente pa miembronan di prensa di Aruba, en bista di Dia di Prensa cu ta celebra dia 1 di september.

E actividad a tuma luga na U Wanna Beer, unda representantenan di diferente medio a participa den un Musical Bingo: un version anima di bingo, combina cu musica, reconocemento di cancion y un bon dosis di competencia amistoso.

CEO di aeropuerto, Jonny Andersen, kende a asumi e funcion di CEO na januari 2026, a duna e palabranan di bon bini. Despues, e wega a cuminsa y e participantenan a pone nan conocemento musical na prueba.

Na final, tres participante a sali como ganador: columnista di Bati Bleki Rona Coster, Theodore de Jongh di 24ora.com y Tito Laclé di NoticiaCla respectivamente.

Cada un a gana un voucher di biahe cu nan por usa pa nan siguiente destinacion.

AAA a logra crea un encuentro divertido y informal pa reconoce trabou di prensa, mientras cu e actividad a brinda oportunidad pa colega di diferente medio pasa un rato agradabel hunto, afo di e ambiente diario di noticia y deadline.