Gerlien Croes ta fortalece condicionnan di instructor di landamento

ORANJESTAD – Minister di Educacion y Deporte Gerlien Croes a entrega 20 tablet y un laptop na instructornan di landamento, y Ministerio a brinda sosten pa uniform nobo, como parti di esfuersonan pa modernisa y facilita nan trabou.

Croes ta tambe den dialogo cu Departamento di Recurso Humano pa finalmente regla posicion huridico di e instructornan, un asunto cu segun e minister ta pendiente desde hopi aña.

“Nan ta cumpli cu un tarea importante y merece cu e aspecto aki haya e atencion necesario,” Croes a declara.

Ministerio ta bisa cu e meta ta mehora tanto e recursonan como condicionnan di trabou di instructornan durante aña escolar 2026-2027.