Accion di seguridad na Schiphol por causa atraso pa biaheronan di Aruba tambe

AMSTERDAM – Biaheronan di Aruba cu ta bula via Schiphol diamars y diaranson mester conta cu mas tempo di espera na control di seguridad, debi na accionnan laboral di vigilantenan di seguridad.

Durante e prome accionnan, Schiphol a registra atraso den fila di security. Aunke un borchi digital a indica casi un ora di espera, aeropuerto a bisa cu e tempo real tabata mas cerca di 20 minuut.

Diaranson por tin mas problema, pasobra tin cinco interrupcion di trabou di 15 minuut programa y nan ta mas cerca di otro. Sindicato CNV no ta exclui cu cierto biahero por perde nan vuelo si e atrasos acumula.

Pa biaheronan for di Aruba cu ta conecta via Schiphol, e conseho ta pa presenta cu suficiente anticipacion y tene cuenta cu posible atraso na security.