Juliana School MAVO ta lansa educacion personalisa pa hoben futbolistanan

ORANJESTAD - Ministerio di Educacion, hunto cu Juliana School MAVO y e Talent Development Scheme (TDS) di Arubaanse Voetbal Bond, a lansa un proyecto piloto di “Educacion Personalisa” pa yuda hoben futbolistanan combina nan estudio cu deporte di alto rendimento.

E programa ta adapta ritmo, horario y guia academico di cada alumno-atleta na su calendario deportivo. Cada participante lo haya un mentor personal, mientras hermentnan digital y “learning analytics” lo wordo usa pa sigui progreso academico y identifica necesidad di apoyo.

E proyecto no ta solamente enfoca riba atletanan di TDS, sino tambe ta sirbi como laboratorio pa futuro innovacion den educacion na Aruba. E experiencia lo por wordo usa pa amplia educacion mas flexibel, digital y personalisa na otro scolnan.

English