Presupuesto Hulandes 2027 por tin consecuencia pa Aruba y resto di Reino

ORANJESTAD – Consejo di Minister Hulandes a aproba e concepto di presupuesto 2027 pa Relacionnan den Reino y Fondo BES. E documento por tin consecuencia financiero pa Bonaire, Sint Eustatius y Saba, pero tambe pa Aruba, Corsou y Sint Maarten.

E concepto lo bai na Raad van State prome pa conseho y su contenido lo keda confidencial te Prinsjesdag, dia 15 di september, ora Gobierno Hulandes presenta e presupuesto oficial.

Pa Aruba, Corsou y Sint Maarten, un punto importante ta si Hulanda sigui cu cooperacion bou di e Landspakketten. E acuerdonan actual ta acercando nan fecha di vencemento, y un posible prolongacion por wordo refleha den financiamiento pa e organizacion temporal TWO.

TWO ta sostene e paisnan den ehecucion di reformanan acorda despues di e ayudo financiero durante pandemia di COVID-19. E presupuesto di 15 di september lo por duna un señal mas cla tocante futuro di e cooperacion aki.