Max Verstappen ta extende contract cu Red Bull te 2030 pa Formula 1

ZANDVOORT – Coredor di Formula 1, Max Verstappen a firma un extension di contract cu Red Bull y lo sigui core pa e team te final di temporada 2030.

E Hulandes a uni na Red Bull na 2016 y desde e tempo ey a logra 71 victoria y cuater campeonato mundial di piloto. Aunke Red Bull ainda no a logra bolbe domina bou di e reglamentonan nobo, Verstappen a scoge pa sigui cu e team y pone fin na speculacion cu e por a muda pa otro escuderia.

Verstappen a bisa cu e tin confianza den direccion di team principal Laurent Mekies y den e proceso pa bolbe Red Bull na top. Segun e, Red Bull ta sinti manera un “di dos famia” y su meta ta sigui lucha pa mas victoria y campeonato.

Mekies a califica e extension como un señal fuerte di confianza mutuo y ambicion, subrayando cu Verstappen ta un parti fundamental di historia y futuro di Red Bull.