Planta di gas di 2Bays na Corsou por yuda alivia problema di coriente

WILLEMSTAD – Corsou por conta cu apoyo di e planta di gas di 2Bays pa yuda cubri demanda di coriente, si e facilidad por bolbe operacional manera ta wordo spera.

Promer Minister di Corsou Gilmar Pisas a indica cu Gobierno y Aqualectra no ta considera uso di generadornan Aggreko como un opcion responsabel actualmente, pasobra esaki lo aumenta costo di produccion considerablemente y finalmente por cay riba consumidor.

Segun Pisas, 2Bays ta haciendo esfuerso pa pone e planta di gas  disponible di nobo. E planta por eventualmente yuda durante situacionnan critico di suministro di coriente. Ademas, si tur cos sigui segun plan, pa final di aña Corsou por conta cu capacidad adicional for di e planta den Isla.

Pisas a pidi disculpa na comunidad pa e actual problema di coriente y a pidi comprension pa empleadonan di Aqualectra, kende ta trahando pa normalisa e situacion mientras sistema di “schakel” cada tres ora ta afecta henter comunidad.

E mandatario tambe a haci un apelacion pa habitantenan prepara nan mes mihor pa situacionnan similar den futuro, por ehempel cu ekipo cu por funciona cu energia solar.