Na Corsou: protesta pasivo contra desaroyo cu no ta beneficia comunidad

WILLEMSTAD – Na Corsou, Grupo Sin Kabes y Curaçao Nature Conservation a organisa un manifestacion pasivo dilanti di Botica Juliana pa expresa preocupacion tocante varios proyecto di desaroyo cu ta tumando luga riba e isla.

Segun e gruponan, varios desaroyo na area manera Penstraat, Zakitó, Bapor Kibrá, Otrobanda, Pietermaai, Kabakuchi, Sta. Martha, Willibrordus, Westpunt, Caracasbaai, Piscadera y Marichi no necesariamente ta beneficia comunidad di Corsou.

E manifestacion a cuminsa pa 11'or di mainta. E organisadornan a indica cu nan kier trece nan preocupacion dilanti no solamente como organisacion, pero tambe como ciudadano di Corsou.