Xavi Hernández ta bira coach nobo di Hulanda cu contrato te 2030

AMSTERDAM - Xavi Hernández  ta e coach nobo di seleccion nacional di Hulanda. KNVB a anuncia cu e ex estreya di FC Barcelona di 46 aña a firma un contrato pa cuater aña, te cu Mundial di 2030. E ta sigui Ronald Koeman, kende a laga e seleccion despues di Mundial.

Xavi ta bira e prome coach stranhero di Oranje desde Ernst Happel na 1978. Como hungado, el a gana Champions League cuatro biaha cu Barcelona, Mundial 2010 cu Spaña y EK 2008 y 2012. Como coach, el a haci Barcelona campeon di Spaña na 2023.

Segun Xavi, su formacion na Barcelona bou influencia di Johan Cruijff, Rinus Michels, Louis van Gaal y Frank Rijkaard a crea un conexion special cu futbol Hulandes. El a bisa cu e kier mira Hulanda hunga futbol ofensivo, dominante y creativo, basa riba posesion di bala.

Director di futbol di alto nivel di KNVB, Nigel de Jong, a indica cu Xavi su vision ta encaha cu e deseo di duna Oranje bek un identidad reconocibel y ofensivo.

Xavi lo wordo presenta oficialmente diamars 25 di augustus na Zeist.