Deadline ta acerca pa cuater contrato di servicio na Santa Rosa

ORANJESTAD – Companianan interesa tin te diamars 18 di augustus pa 10:00 di mainta pa entrega oferta pa cuater contrato di servicio na Departamento di Agricultura, Cria y Pesca (DLVV) Santa Rosa.

Segun Ministerio di Finansa, Asunto Economico y Sector Primario, e contratonan ta destina pa aumenta capacidad operacional di Santa Rosa, tanto pa mantencion di su facilidadnan como pa servicionan cu e departamento ta brinda na agricultornan y criadonan di bestia.

E destaho ta cubri cuatro area: mantencion y infrastructura, cuido di bestia, trabou cu ekipo pisa y sosten agricola, y cultivo y produccion agricola. Companianan por participa pa un solo contrato, varios of tur cuatro, dependiendo di nan experiencia y capacidad.

E contratonan lo tin un duracion di 36 luna. E empresanan selecciona por wordo uza tanto pa trabou na Santa Rosa mes como pa sostene servicionan na productor local, por ehempel preparacion di tera, transporte di awa, mantencion di stal of cura y uso di ekipo pisa.

Minister Geoffrey Wever a haci un ultimo yamada na companianan cu tin e personal, experiencia y ekipo necesario pa entrega nan oferta prome cu e fecha limite.

Un parti di e servicionan di Santa Rosa na agricultornan y criadonan ta subsidia door di Gobierno, cu ta permiti productor local haci uzo di nan na un costo mas accesibel.