Celebrity Reflection renoba lo inclui Aruba den su rutanan di Caribe

MIAMI - Celebrity Cruises a anuncia un renobacion grandi di Celebrity Reflection, cu lo debuta den Caribe na maart 2027 cu 13 experiencia nobo abordo. Aruba ta entre e destinacionnan inclui den e itinerarionan di e barco.

E renobacion lo agrega restaurante nobo, mas area di recreacion y entretenimiento y espaciu exterior inspira riba e diseño moderno di e barconan di clase Edge.

Entre e cambionan principal tin Grand Plaza como centro social y di entretenimiento, un Celebrity Pool Club renoba y Sunset Park, un area exterior dedica na relajacion cu vista riba lama.

E oferta gastronomico tambe lo wordo amplia cu restaurante nobo manera Fine Cut Steakhouse, Trattoria Rossa y Bora. Espacionan exclusivo manera The Retreat y AquaClass tambe lo ricibi mehoracion.

Celebrity Reflection lo opera durante henter aña den Caribe cu cruceronan di 3, 4, 6 y 8 anochi saliendo for di Fort Lauderdale. Aruba ta forma parti di e destinacionnan programa, hunto cu Curaçao, Bonaire, Bahamas, Turks & Caicos, Grand Cayman y Key West.

E inversion ta reforza posicion di Aruba como un destino importante den itinerarionan premium di crucero den Caribe.