Aruba ta perde 5-4 contra Sur Korea despues di comeback fuerte

LIVERMORE, California - Aruba a sufri un derota di 5-4 contra Sur Korea (Asia-Pacific) den un partido emocionante di Little League Intermediate 50/70. Aruba, representa oficialmente como Latin America, a cay atras 5-1, pero a pone un comeback fuerte den sexto inning y a yega te 5-4.

Aruba a habri score den tercer inning, ora Jay-sell Girón a conecta un single cu a manda Liam Peña Caraballo cas, poniendo Aruba dilanti 1-0.

Sur Korea a reacciona den di cuater inning cu cuater careda pa tuma bentaha di 4-1. Den quinto inning nan a agrega un careda mas pa amplia e diferencia na 5-1.

Pero Aruba no a entrega. Den sexto inning, Zion Gomez Perez a score despues di un single di Jeandré Geerman, mientras Geerman y Zaylon Dreischor a score despues di un single di Jay-sell Girón. Esaki a pone Aruba yega te 5-4.

Aruba no a logra completa e comeback, y Sur Korea a conserva e bentaha minimo pa gana e partido 5-4.