Aruba ta enfrenta Puerto Rico awe den Little League World Series

LIVERMORE, CALIFORNIA – Despues di a elimina Canada cu un victoria contundente di 10-0 ayera, Aruba ta bolbe den accion awe den e Intermediate (50/70) Little League World Series. Cu e triunfo, e equipo Arubano a avansa den e bracket di ganadornan y awor lo enfrenta Puerto Rico pa un puesto den e International Championship.

E partido lo wordo hunga na Max Baer Park na Livermore, California, y lo cuminsa pa 6:00 di atardi, ora di Aruba (3:00 p.m. ora di California).

Si Aruba gana awe, e lo avansa directamente pa e International Championship Game. Si e ekipo perde, e aventura ainda no ta caba, pasobra e torneo ta usa un sistema di doble eliminacion, loke ta duna un segundo oportunidad.

Cu e victoria di knockout riba Canada y e actuacionnan fuerte durante e torneo, Aruba ta sigui representa e isla cu hopi orguyo riba scenario internacional.