Aruba ta perde e thriller contra Asia-Pacific den extra inning

LIVERMORE, California – Aruba a cuminsa su participacion den e Intermediate (50/70) Little League World Series cu un derota doloroso di 6-5 contra Sur Korea (Asia-Pacific), despues di un partido cu a dura ocho inning y cu a cambia di lider varios biaha.

Aruba como e representantenan di Latinoamerica a haya un cuminsamento dificil. Asia-Pacific a habri e marcador den e di tres inning y despues a amplia su bentaha te cu 3-1 den e di cuatro, aprobechando varios error defensivo y bon bateonan.

Aruba, sinembargo, no a laga e partido bai. Den e di cuatro inning, un sacrifice fly di Emerson Mercado Sarmiento a iguala e marcador na 1-1. Poco despues, Arnold Gismar Martha a conecta un importante single pa acerca Aruba na 3-2.

E momento mas fuerte di Aruba a yega den e di seis inning. Cu coredor riba base, Anthony Santos Garcia a conecta un single productor cu a trece dos careda pa pone Aruba dilanti 4-3, e duna e ekipo un impulso importante.

Asia-Pacific a responde inmediatamente den su siguiente turno na bate. Aprovechando un error defensivo, e equipo a empata e partido 4-4, preparando un final emocionante.

Aruba no a entrega. Den e di shete inning, Jay-sell Girón a conecta un single y poco despues Jerson Geerman a batea e hit cu a pone Aruba dilanti atrobe, 5-4.

Pero Asia-Pacific tabatin e ultimo palabra. Den e bom di e di shete inning, e ekipo a empata e encuentro y forza extra inning. Den e octavo inning, un single di Seung Hoo Kim a pone e careda ganador riba e scoreboard, dunanandoAsia-Pacific e victoria 6-5.

Aruba ainda a crea un ultimo oportunidad den e octavo inning. E ekipo a yena e basenan cu dos out, pero un line drive di Zion Gomez Perez a termina den man di e right field. Despues, Jeandré Geerman a wordo saca na prome base pa cera  e emocionante encuentro. definitivamente

Apesar di e derota, Aruba a mustra hopi caracter, recuperando di varios momento cu a cay atras y manteniendo presion riba Asia-Pacific durante casi hentetr e partido. E ekipo awor lo busca pa recupera den su siguiente compromiso pa sigui cu esperanza di avansa den e Mundial.