Dos documentario local ta estrena despues di Documentary Bootcamp 2026

ORANJESTAD – Rebecca Roos Productions lo presenta e resultado final di su Documentary Bootcamp 2026 diasabra, 1 di augustus, cu e estreno oficial di dos documentario cortico crea pa participante local. E entrada ta completamente gratis.

Durante e ultimo dos siman, un grupo di ocho participante cu edadnan entre 18 te 67 aña a sigui un programa intensivo den produccion di documentario, bao guia di Rebecca Roos, cu asistencia di Irvin Aguilar. E curso a combina teoria, entrenamento practico y desaroyo creativo, culminando cu cada participante presentando su propio concepto di documentario. For di tur e ideanan, dos a wordo escogi pa wordo produci den grupo.

E participantenan ta:

Cynthia Rafael

Liesje Proveyer

Afranina Henriquez

Nohemy Habibe

Renato Vrolijk

Arturo Desimone

Angelo Gomez

Tuesday Irwin.

E estreno lo tuma lugar 7:30 di anochi den e Auditorium di Museo Archeologico Nacional Aruba, situa na Schelpstraat na Oranjestad. Despues di e prome presentacion, publico lo por participa den un sesion di pregunta y comentario cu e creadornan. Pa esnan cu no por mira e prome presentacion, e dos documentario lo wordo ripiti atrobe na 8:15 p.m..

E Documentary Bootcamp ta brinda un plataforma pa cineastanan local desaroya nan talento y comparti nan historia cu e comunidad, promoviendo produccion audiovisual y creatividad den Aruba.