Merca ta pone tarifa nobo riba importacion di Bahamas, Guyana y Trinidad

WASHINGTON – Merca a introduci un serie di tarifa nobo riba importacion for di 60 pais, incluyendo Bahamas, Guyana, Trinidad y Tobago y Republica Dominicana.

E cuatro paisnan di Caribe lo paga un tarifa di 12,5% riba tur producto cu nan exporta pa Merca. Esaki ta mas halto cu e tarifa di 10% imponi riba hopi otro paisnan, manera Reino Uni, Union Europeo y China.

Segun Oficina di Representante Comercial di Merca, e medidanan ta cubri 99,4% di tur importacion cu ta drenta e pais.

Gobierno americano ta bisa cu e paisnan afecta no a haci suficiente pa preveni importacion di producto fabrica cu trabou forsa.

E tarifa nobo a drenta na vigor diabierna mainta, mes ora cu medidanan temporal introduci anteriormente pa importacion mundial a caduca.