Minister Croes: Scolnan publico ta ricibi normanan nobo di bay over

ORANJESTAD – Minister di Educacion Gerlien Croes a aproba  e normanan nobo di bay over pa scolnan basico di Dienst Publieke Scholen (DPS) oficialmente. E maneho nobo ta busca pa garantisa cu evaluacion di alumnonan ta wordo haci di un forma uniforme, husto y transparente, cu enfasis riba inclusion y evaluacion na midi.

E normanan ta duna atencion special na muchanan cu limitacionnan den siñamento of desaroyo, manera autismo, ADHD, dyslexia y otro condicionnan. Decisionnan tocante promocion of laga un alumno keda atras mester wordo tuma den consulta cu docente, team di cuido y mayor, basa riba e necesidad individual di e mucha.

Minister Croes a reafirma su compromiso pa ofrece un sistema educativo cu ta duna tur mucha igual oportunidad pa progresa.