Dangui Oduber(MEP) : Autonomia di Aruba no tin prijs

ORANJESTAD – Parlamentario di MEP Dangui Oduber a reafirma su oposicion contra e ley di Reino HOFA, bisando cu ningun adaptacion na e ley por cambia e hecho cu e ta afecta autonomia di Aruba. Segun e, e conclusionnan di Raad van Advies y Raad van State cu e ley mester wordo adapta ta confirma cu e version actual no ta sirbi e interesnan di Aruba.

Oduber a argumenta cu Aruba caba tin supervision financiero propio, ta cumpli cu su obligacionnan financiero y ta reduciendo su debe nacional. El a enfatisa cu autonomia y libertad di Aruba no por wordo cambia pa apoyo financiero, y a haci un yamada pa proteha e derecho di Aruba pa sigui tuma su propio decisionnan.