Sevinger(AVP): Aruba mester un plan permanente pa desperdicio

ORANJESTAD – Parlamentario di AVP Stephany Sevinger ta bisa cu e resultado positivo di e programa Aruba Limpi ta mustra cu Aruba tabatin un necesidad urgente di mehora e maneho di desperdicio. Sinembargo, segun dje, e iniciativa no mester keda un solucion temporal, sino e base pa un Plan Nacional cu ta enfoca riba reduccion di desperdicio, reciclahe, infraestructura moderno y un rol mas grandi pa SERLIMAR.

Sevinger a indica cu mas di 3.180 persona a usa e programa den su prome luna, resultando den 642 ton di desperdicio recogi. E tambe a pidi mas transparencia tocante e ehecucion y finansiacion di e proyecto. Segun e parlamentario, un Aruba limpi ta beneficia no solamente turismo, pero, prome cu tur, e pueblo di Aruba y e siguiente generacionnan.