Helicopter di Kustwacht ta evacua pasahero di crucero

ORANJESTAD – Helicopter di Kustwacht Caribe Hulandes a haci un evacuacion medico diamars atardi pa un dama di 40 aña cu a haya un emergencia medico abordo di un barco di crucero cu tabata navegando pa nord di Aruba.

Segun Kustwacht, Centro di Operacion Maritimo a ricibi e yamada di emergencia y inmediatamente a manda e helikopter pa e barco. E dama tabata mester di asistencia urgente pa por wordo transporta pa un hospital.

Despues di wordo recogi na bordo di e crucero, e paciente a wordo hiba cu helikopter pa Aeropuerto Internacional Reina Beatrix, caminda un ambulance tabata wardando pa transporte  directamente pa hospital pa tratamento medico.

E barco crucero tabata den e area maritimo cu ta cai bou responsabilidad di Kustwacht Caribe Hulandes pa nord di Aruba.