Eduard Pieters (PPA): Menos politico riba Facebook, mas liderazgo pa Aruba

ORANJESTAD – Lider di fraccion di PPA, Eduard Pieters, ta bisa cu Aruba tin mester di mas liderazgo y menos debate politico riba Facebook y otro medionan social. Segun e, e pueblo kier informacion cla y decisionnan responsable, no campaña politico permanente.

Pieters a indica cu temanan importante manera HOFA, salud, seguridad, enseñansa y desaroyo economico merece un discusion serio y bon informa, pasobra nan lo determina e futuro di Aruba.

Segun e parlamentario, e tarea di un representante di pueblo ta promove dialogo, transparencia y analisa diferente punto di bista, no alimenta polarisacion. El a conclui cu PPA lo sigui defende un democracia basa riba informacion, dialogo y liderazgo.