La Guaira ainda ta luchando 15 dia despues di temblor

LA GUAIRA – Diescinco dia despues di e dos fuerte temblornan cu a dal Venezuela, e situacion na La Guaira ainda ta critico. E speransa di topa mas sobreviviente entre e ruinanan ta casi desaparece, mientras cu e trabounan ta concentra awor riba recuperacion di curpanan y limpia e area.

Cantidad di voluntario y donacionnan a baha considerablemente, lagando gran parti di e esfuerzonan di rescate den man di gobierno y ayudo internacional. Makinaria pisa awor ta participa activamente den e operacionnan.

Mientrastanto, miles di persona ainda ta keda den luganan temporal riba caya, sperando un solucion permanente. Hopi edificio a wordo declara insigur y lo mester wordo basha abou, mientras cu gran parti di e negoshinan y economia local ainda ta paralisa.

Autoridadnan tambe ta sigui identifica victima. Mas di 300 curpa a wordo dera den grafnan special, mientras cu famianan ta usa un sistema di identificacion pa haya nan sernan stima.