Aruba a pone krans na Conmemoracion Nacional di e Abolicion di Sclavitud na Hulanda

DEN HAAG – Na Oosterpark Amsterdam a tuma lugar awe riba 1 di juli e conmemoracion Nacional di e Abolicion di Sclavitud dor di Hulanda na 1863 den e colonianan Surnam y Antianan Hulandes; e aña aki 163 aña pasa. Minister Plenipotenciario di Aruba Mildred Schwengle a pone un krans den nomber di Gobierno y pueblo di Aruba.

Tradicionalmente un miembro di Gobierno di Hulanda ta tene un discurso y e aña aki a toca turno na Minister-presidente Rob Jetten. Tambe burgemeester di Amsterdam Femke Halsema, gezaghebber di Boneiro John Soliano y presidente di NiNsee Dave Ensberg-Kleijkers a tene un discurso.

E intermezzo musical a keda brinda entro pa Manoushka Zeegelaar- Breeveld & Gospelkoor Grace, Kevv y Raoul de Jong.

Despues di e 1 minuut di silencio a sigui cu e parti di ponemento di krans na e “Slavernijmonument”. Den nomber di Conseho di Minister di Reino esaki a tuma lugar door di Prome Minister Rob Jetten y Minister di Asuntonan Interior y di Relacionnan di Reino Pieter Heerma a pone un krans. Despues a sigi entre otro presidente di Eerste Kamer Mei Li Vos hunto cu presidente di Tweede Kamer Thom van Campen, Minister Plenipotenciario di Aruba Mildred Schwengle, Minister Plenipotenciario Suplente di Curaçao Errold Bishop, Minister Plenipotenciario di St. Maarten Gracita Arrindell, Embahador di Surnam Ricardo Wilfred Panka y burgemeester di Amsterdam Femke Halsema. 

NiNsee ta e instituto cu ta organisa e conmemoracion. E aña aki ta 24 aña cu NiNsee a keda funda y cu e conmemoracion a inicia cu desvelo na 2002 di e “Slavernijmonument” cu ta un obra di e escultor Erwin de Vries.