Zr. Ms. Groningen a bai Venezuela pa yudansa di emergencia

WILLEMSTAD - Zr. Ms.  Groningen a sali for di Curaçao den fin di siman pa Venezuela pa entrega ayudo di emergencia despues di e temblornan devastador di e pais. E barku naval a wordu carga na Curaçao cu suministro entre otro awa y artíkulonan di ayudo. Un helikopter NH90 i dos FRISC (barco di interceptacion lihe) tambe ta abordo.

Defensa Region Caribe ta desplegando ZXr. Ms.  Groningen pa brinda asistensia despues di e temblornan devastador. E barco ta carga un suministro di awa y por produci awa di bebe adicional usando su sistema di purifikashon abordo. E tripulashon di Zr. Ms. Groningen ta para cla pa duna yudansa di emergensia na e sitio, trahando estrechamente cu partnernan nashonal i internashonal. Pa medio di e accion aki, Hulanda ta contribui na esfuersonan internacional di alivio humanitario.

Banda di e despliegue di e barku di stashon, Wardakosta  di Caribe ta usando su avion Dash-8 pa yuda transporta mercancia i  personal for di e islanan Caribense pa Venezuela. Defensa Caribe tambe ta apoyando e operashon di ayudo di emergensia di Merca cu ta wordo coordina for di Aeropuerto Hato.

Riba petishon i den kordinashon ku outoridatnan lokal riba Kòrsou, Boneiru, i Aruba, Defensa Karibe ta kontribuí na operashonnan di yudansa humanitario despues di kalamidat òf emergensia den region durante henter aña dor di sostené outoridatnan lokal. Desplieguenan asina ta particularmente importante durante temporada di orkan. Zr. Ms. Groningen ta den Caribe for di cuminsamento di juni y ta wordo desplega pa varios tarea di seguridad marítimo, manera vigilancia, enforsamento di ley, i contraresta actividadnan ilegal manera contrabanda di droga.