Wever: Reduccion di accijns a yuda mantene prijs di gasolin y diesel mas abou

ORANJESTAD – Gobierno (lesa: minister Geoffrey Wever) a informa diaranson, cu e reduccion temporal di accijns riba gasolin y diesel a contribui pa limita e impacto di e fuerte subida den prijs internacional di petroleo riba consumidornan na Aruba.

Segun cifranan oficial, e conflicto na Medio Oriente a causa cu prijs mundial di petroleo a subi considerablemente durante 2026. Sin ningun intervencion, e prijs di gasolin y diesel na Aruba lo tabata significativamente mas halto den e lunanan di april, mei y juni.

Door di reduci accijns, e precio na pomp a keda mas abou cu loke normalmente lo a wordo calcula. Pa ehempel, den april automobilistanan a paga Afl. 2,48 pa liter di gasolin enbes di Afl. 2,73, mientras diesel a keda na Afl. 2,47 enbes di Afl. 2,85 pa liter.

Datonan ta mustra cu auto ta continua siendo e medio di transporte mas importante pa hopi hogar na Aruba. Como resultado, mantene e prijs di combustibel mas controlabel a ayuda limita e presion riba gastonan diario di famianan y trahadornan.

Segun calculacionnan oficial, e medida a costa gobierno aproximadamente 2,5 miyon florin pa luna, pero a permiti cu usuario di vehiculonan paga menos pa gasolin y diesel durante e periodo di subida internacional di prijsnan.

Autoridadnan ta señala cu e medida tabata enfoca riba proteha poder di compra y mitiga e impacto directo di e mercado mundial di energia riba economia local.