Arbitro naci na Corsou ta dirigi partido entre Paraguay y Merca di mundial di futbol

MIAMI - Aparte di e logro historico cu Corsou a cualifica pa participa den Mundial di Futbol 2026, awe diabierna tin un otro dato interesante pa informa. E arbitro cu lo dirigi e partido entre Paraguay y Merca ta un homber cu a nace na Corsou. Ta trata di Danny Makkelie, un di e arbitronan mas reconoci den futbol mundial actualmente.

KEN TA DANNY MAKKELIE

Danny Desmond Makkelie a nace dia 28 di januari 1983 na Willemstad, Corsou. Ademas di su trabou como referee profesional, e ta traha como inspector di polis na Rotterdam y tambe como entrenador di arbitronan pa Koninklijke Nederlandse Voetbalbond (KNVB).

LISTA DI FIFA

Makkelie ta figura riba lista oficial di FIFA desde 2011 y actualmente ta pertenece na categoria Elite di UEFA, e nivel mas halto pa arbitronan den futbol europeo. Durante su carera e la dirigi numeroso partido internacional importante, incluyendo competencia di UEFA Champions League, Campeonato Europeo y torneo mundial. Cu Corsou representando su mes riba cancha y un curasoleño   encarga  cu arbitra un di e partidonan di Mundial, e isla ta sigui haci su presencia sinti riba e escenario mas grandi di futbol mundial.